Pathian pakhat lawnglawng a um. Amah cu Van le Vawlei sertu a si. Pathian cu Thumkomh Pathian: Pa, Fapa, Thiang Thlarau Pathian a si (Deut 6:4; John 1:3; Mat 3:16-17).

Pa Pathian cu a ṭhawngmi zeizong vialte tuah khotu (omnipotent), zeizong vialte a hngal dihtu (omniscient), le khuazei poh ah a um khomi (omnipresent) a si tiah kan zumh (Daniel 4:35; Salm 139:1-4; Genesis 18:14).

Pa Pathian cu a Fapa ngeihchun pek tiang in a kan dawtu le khamhnak a kan serpiaktu a si tiah kan zumh (Johan 3:16; 1 Johan 4:8).

Jesuh Khrih cu Pathian Fapa ngaknu thiang hrinmi a si. A mah Khrih ahcun khamhnak tling a um (Mat 1:23; Joh 3:16).

Jesuh Khrih thihnak le thawhthannak kan zumh (IKor.15:4). Cun Vawlei ah a ra than lai ti kan zumh. (Lam. 1:9,11).

Thiang Thlarau cu thumkomh Pathian lak ah mi pakhat (person) a si i nunnak petu, fimchimtu, hnemtu, le zungzal umpitu a si tiah kan zumh. (Johan 6:63; Johan 14:26; Hebru 9:14)

Baibal Thiang cu Pathian thawchuah hnawhmi le Khrihfabu hruainak ah nawlngeih nak Sangbik a si. (II Tim 3:16).

1.     Khrihfabu cu Jesuh Khrih nih a dirhmi a si (Mat 16:18).

2.     Khrihfabu. cu Khrih i a pum a si i, amah Jesuh Khrih a zumtu lawng chungtel an si (Kol 1:18, Efe 1:23).

3.     Zumtu dihlak tlangbawi kan si . (I Pet 2:5-9).

4.     Khrihfabu (Local Church) nih mah tein nawlngeih nak a ngeih (Local Church autonomy) (Mat.18:17; IKor. 6:1-6).

5.     Khrihfabu le Vawlei uknak adang tein aa thleidang. (Mat. 22:21).

6.     Khrihfabu nih phungthiang pahnih (two ordinances) kan zumh. Cucu thumkomh Pathian min in tipil innak (baptism by immersion) le amah philh lonak caah Bawipa Zanriah (The Lord’s Supper) hman a si (Mat.3:16; 28:19; Luke 22:14-20).

7.     Khrihfabu nih ṭhitumnak a tuahmi cu nu le pa (a man and a woman) kar i tuahmi a si (Gen.2:23-24; Mat.19:4-6; 1Kor 7:12-14, 36-38).

8.     Khrihfabu cu vawlei khuazakip ah Jesuh Khrih Thawngṭhabia thanh le karhter ding kan si (Mat. 28:19-20).