Indiana Chin Baptist Church
Women Ministry
Tinhmi “Vision”
1. Nu hna taksa, thinlung, thlarau damnak
2. Bawipa rianṭuantu nu si.
3.Chungkhar, Khrihfabu le pawngkam minung hna Jesuh zultu ah ser.
Mission “Rianhmi”
1. Thlacamnak, Bible relnak, cawnnak le nun thiannak in Bawipa duhnak kawl
2. Nifatin Khrih he aa lo chin lengmang in ṭhan le nun.
3.Chimphuannak le ṭuannak in Jesuh zultu sinak langhter
Dirhmun le Zumhnak
“Core Value”
1.Jesuh Khirh lawnglawng khamhnak hmuhnak lam a si, Bible cu kan zumhnak hrampi a si.
2.Minung aa tlukmi sinak (Equality) dirpi, a bu in rianṭuan ṭinak , a kaumi ruahnak cohlan.
3.Midang caah nunkhamh nak rianṭuan.
Indiana Chin Baptist Church Women Ministry rianṭuannak cu Pathian nih thluachuah apek nihin tiang Pathian nih akutṭhawng in akil ven. Nubu Women Ministry nih hruaitu 24 ngeih asi.Women Ministry leadership Team ah kan leng te.
Iang hi hlen a hmang, dawh hi a ziam kho, Sihmanhsehlaw Bawipa a ṭihmi nu cu thangṭhat awk a si. (Phungthlukbia 31:30)
The Great Commission
Local Missions
Zarhteni Thlacam Caan: Nubu hna hruainak in Indiana Chin Baptist Church ah thlacamnak ngeih peng a si. Hi zarhteni thlacam nak hi Nubu hna thazang kan laknak le kan thilrit kan ṭhumh biknak program zong a si. Khrihfabu caah kan ṭhawnnak asi.
Thlacam caan 10:00am- 12:00pm
Zarhteni (Saturday)
Baible cawnnak : Zarhteni thlacamnak ah Baible cawnnak zong kan ngei chih.2024 chung cu “Biathlam” kan cawng lai.
Thlafa Bible Cawnnak: Indiana Chin Bapitst Church Nubu nih “Bible Chung Nu Hna” cauk cu chuah asi .Nubu nih thlakhat ah vawikhat (azarh donghnak) ah Bible cawnnak angeih.
Khrihfabu cio ah hi cauk cherhchan in cawnnak le pumpak in rel aduhmi nih, ICBC Women Ministry sin ah chawnh le cah khawh rih asi.
Nu hna nih thinlung, taksa , thlarua ah kan ruangtein kan ṭhan khawhnak hnga. Thaw achuah hnawh mi abia cu rel in le thlacamnak he thazaang la cio hna uh sih.
Khirfa bu chungah Nubu rianṭuannak cu Pathian nih thluachuah ngaingai tiah kan ruah. Khrihfabu chungah ngaihchiatnak siseh, lawmhnak siseh Khrihfabu nih atontik ah Kan nih Khrihah pumkhat kan si tiah aruah. Nu le hna nih ngaihchia mi sin ah Thihnem rawlchanhnak in siseh, Khrifabu chungah ngaktah lennak in siseh, mizaw zual zohnak in siseh , tarnu/ tarpa hna kumkhat ah voikhat Christimas caan hna le lengchuahpinak zong ngaih khawh asi.Cu vialte atlamtlin tertu cu pakhatnak ah Pathian asi. Nu le hna nih nan rianṭuannak asi.
Global Missions
Watchawng Mission :ICBC Women Ministry: CBCUSA nih aṭuan lio mi ICBM ah Sayamah Yin Nuh cu ICBC Women Ministry nih hmaithlak in le CBCUS he tiah kuttlaih in rian aṭuan liopi asi. Sayamah Yin Nuh a umnak, rian aṭunnak ahhin ICBC nubu nih ICBM mission rak thok kaa in missionary umnak dingah inn rak sak piak a si. Tukum Moe Kha thlichia a hrangmi nih cu inn cu a hrawh dih . Cucaah thlacamnak le zumhngam nak he Kyats sing 50 dih dingmi inn cu sak ṭhan dingin timhtuah nak ngeih lio asi. Sayamah Yin Nuh hmangin Pathian nih Watchawng khua ah zumtuthar minung 12 (Chungkhar in 3) zong a kan pek cang caah kan Pathian a min kan thangṭhat. Nan thlacamnak tampi an herh ko.
Kyateh Mission, Sagaing Division : ICBC- WM nih ICBM rianṭuannak ah Sayamah San San cu tuanvolak asi. Biak Inn hmun cawkpiak an si. Biak inn zong sak asi. Pathian nih ICBC rianṭuannak hi thluachuah apek ko tiah kan ruah.
Bible Siangin: Pathian nih ICBC cu thluachuah apek. ICBC Women Ministry nih aliam cia ah Bible sianginn kaimi abawmh tawn. Bawmhmi chungin “graduation” a kan lakpiak mi zong hmuh khawh asi. Cucu Pathian thluachuah asi. Pathian bia akarhkhawhnak hgna le zumhnak dang nih Khrih cu an khmah tu le an Pathian ah an co hlan khawhnak hnga , Pathian nih chiti thuhmi siangin akai ter lio mi zong aum . Nan thlacamnak ah philhlo dingin kan in sawm
Paniel Children Home: Ralkap nih Thantlang khua an khangh dih tikah TABC nih azoh khenhmi Paniel Children Home cu Mizo ram ah zam in umhmun an khuar pi hna. Indiana Baptist Church WM nih an mah le an ti khawhtawk te fale caah zuam le zoh khenh asi.
Nan chungkhar thlacamnak ah Peniel Children Home caah thlacam sawm chih na si. ICBC Nubu nih thlacamnak sawm chih nan si.
Bethel Elders’ Home
Isaiah 46:4 – Keimah cu nan Pathian ka si i nan tar i nan ṭuak a par tiang kan zohkhenh hna lai. Keimah nih kan ser hna i kan zohkhenh hna lai, kan bawmh hna lai i kan chuah hna lai. 5 ”
ICBC nubu nih, Mission pakhat ah achiah mi asi. Thlacamnak ah aphilh lo. Pathian nih umpi hna seh law. Lam hruai ko hna seh.
Camp Victoria Education
Pathian nih Chinmi phun cu kan mah le kan mah kan izoh khenh khawhnak hnga. Ralkap a kan pek. Camp Victoria ah khuasa kan fa le siangin kainak ah WM nih kum fa tein rianṭunnak angeih. Pathian nih kan laimi phun dirhkamh tu le kaltak mi kan ram caah hmanchin ko hna seh.
Ngandamnak rian
Agape clinic: Kan takpum cu Pathian biaktheng asi . Ngandamnak kan hmuhkhawhnak hnga Pathian nih minung cu fimnak apek. Nubu rianṭuannak Agape clinic min bunh in Hakha ah um mi cu nubu arianṭuannak ah ahmai thlakmi pakhat asi.
